ГОРИВАТА ПОЕВТИНУВААТ ЗА ДВА ДЕНАРА: еве по кои цени ќе се продаваат по полноќ
Горивата по полноќ поевтинуваат за два денара по литар, одлучи Регулаторната комисија за енергетика (РКЕ). Со одлуката се врши намалување на малопродажните цени на нафтените деривати во просек за 2,12 отсто.
Новите малопродажни цени се следниве:
ЕУРОСУПЕР БС – 95 ќе изнесува 77,5 денари за литар
ЕУРОСУПЕР БС – 98 ќе се продава за 79,5 денари за литар
ЕУРОДИЗЕЛ БС (Д-Е V) за 69,5 денари за литар
Екстра лесното масло за горење (ЕЛ-1) за 69 денари за литар.
Малопродажната цена на Мазутот М-1 НС не се менува и останува 46,295 денари за килограм.
Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат намалување кај бензините во просек за 4,611 отсто, кај дизелот за 3,788, кај екстра лесното масло за 4,448 и кај мазутот за 1,779 отсто. Курсот на денарот во однос на доларот во споредба со претходната пресметка е понизок за 0,807 отсто.
