Главната железничка станица во Виена е евакуирана, наводно поради закана за бомба
Полицијатa ja евакуираше главната железничка станица во Виена поради неодредена закана, а железничкиот сообраќај е во прекин, соопштија полицијата и националната железничка компанија ОББ.
Полицијата не ја пријави можната закана, но таблоидот „Хојт“ објави дека се работи за закана за бомба.
Минатата година Австрија претрпе серија лажни закани за бомби поради кои главните железнички станици беа привремено затворени, предизвикувајќи доцнење на железничките услуги во неколку наврати.
„Во тек е голема полициска операција на Централната станица во Виена. Откако се дозна за заканата, станицата се евакуира“, напиша виенската полиција на „Х“, повикувајќи ја јавноста да избегнува непотребно патување и да остане во близина на областа.
Полицијата соопшти дека во прекин се и другите облици на јавен превоз чии возила минуваат низ споменатиот дел од градот, а станицата е центар за метро, трамваи и автобуси.
