ГЕРМАНИЈА: За колку ќе се намали инфлацијата?

Стапката на инфлација во Германија ќе се намали од минатогодишните 5,9 отсто на 2,2 отсто во 2024 година и дополнително ќе падне на 2 отсто во 2025 година и на 1,9 отсто во 2026 година.

Според прогнозата на Институтот, стапката на невработеност во Германија ќе се зголеми од минатогодишните 5,7 отсто на 6 отсто во 2024 година. Германија годинава нема да забележи економски раст. 

Во претходната прогноза, институтот очекуваше дека Германија на крајот на 2024 година ќе забележи економски раст од 0,4 отсто.

Експертите ги ревидираа и очекувањата за економски раст во Германија во 2025 година и сега веруваат дека тој ќе изнесува 0,9 отсто, додека во претходната прогноза предвидуваа раст од 1,5 отсто.

Според сегашните очекувања на експертите, германската економија ќе порасне за 1,5 отсто само во 2026 година.

Во другите земји има забележлив економски пораст, додека германската економија се уште е во застој, коментира шефот на одделот за прогнози на IFO, Тимо Волмершаузер.

Зголемувањето на куповната моќ во Германија не влијае на зголемувањето на потрошувачката, бидејќи граѓаните се несигурни и повеќе наклонети кон штедење од порано.