ГЕРМАНЦИ, СЛОВЕНИ И ЧЕШИ КУПУВААТ СТАНОВИ: Многу луѓе сакаат дом покрај море, еве каде има најголем побарувачка од странци

Жители на разни
држави од Европа навалија во купување станови во една приморска земја. Дека
сите сакаат да имаат „дом“ покрај море, или место за релаксација потврдуваат и
бројките на хрватските институции за недвижности.

Иако од таму информираат
дека има благ пад на купувањето недвижности во земајта, особено од странци,
сепак, тие воопшто не се за потценување.

– 
Странците
први го намалија купувањето кога е во прашање домашниот пазар на недвижности.
Според податоците на Даночната управа, до средината на минатиот месец во 2023
година странците купиле четвртина помалку недвижен имот во Хрватска, во
споредба со лани – пишува „Курир.рс“.

Минатата година
9.515 странци решиле да инвестираат во недвижности во Хрватска, додека годинава
таа бројка паднала под 7.400 странци. Тоа се, во најголем дел, куќи и станови
покрај море, кои новите сопственици ги користат за сопствен одмор, но често и
за издавање, а со тоа и за дополнителни приходи.

Странските
купувачи на недвижности најчесто доаѓаат од Германија, Словенија, Австрија, но
и од Чешка и Словачка. За многумина, инвестирањето во Хрватска е добра
инвестиција, бидејќи нуди солидна добивка од разликата во цената, доколку се
решат да ја препродадат, но купениот недвижен имот им обезбедува и постојан
месечен прилив на готовина, доколку решат да изнајмат.

Внимателноста на
странските купувачи произлезе, пред се, од економската состојба во матичните
земји, а потоа беше последица и на поскапувањето на недвижностите во Хрватска,
кое не запре ниту годинава. Од 2015 година до денес, цените на недвижностите во
повеќето делови на земјата се двојно зголемени.

Просечната цена
на продадените нови станови во хрватската престолнина во првиот дел од 2023
година надмина 2.600 евра за метар квадратен, а слични, можеби и повисоки се
цените долж Јадранското крајбрежје. Квадратен метар во Кварнер, Истра,
Далмација или Загреб е сè уште поевтин отколку во многу западноевропски
градови.

Фото: Принтскрин/Твитер