Генерали Инвестментс: Највисоки барани приноси на обврзниците од 2007 година?

Тимот на Генерали Инвестментс подготви резиме за актуелните настани кои влијаат врз пазарите на капитал.

Обврзниците
го диктираа движењето на берзанските индекси

Скокот на бараните приноси од државните обврзници предизвика
голема врева на берзата минатата недела. Откако обврзниците беа турнати во ќош
подолг период со екстремно ниски каматни стапки и многу ниски барани приноси,
ова драматично се промени во последната година и пол.

Вкупниот глобален пазар на обврзници е значително поголем од
пазарот на акции.  Настаните на пазарот на обврзници, споредени со
најчесто ирационалните пазари на акции,  подобро ги одразуваат состојбите
и идните очекувања на приходите на финансиските пазари и во економијата.
Приносите на државните обврзници се основа за утврдување на т.н стапката на
принос без ризик, врз основа на која потоа се оценуваат сите видови инвестиции
и очекувањата на инвеститорите. Големите движења на пазарот на обврзници, исто
така, може да претставуваат ризик од можни шокови во финансискиот систем, што
веќе двапати го видовме минатата година – прво со ненадејното зголемување на
бараните приноси на британските државни обврзници минатиот ноември, а потоа и
во мини – банкарската криза во САД, кога за да се обезбеди ликвидност, банките
мораа да ги продаваат своите инвестиции во државни обврзници со големи загуби,
што некои регионални американски банки не ги преживееја.

Поради сите причини опишани погоре, не е чудно што настаните
на главните светски берзи минатата недела во голема мера беа одбележани со
движењето на бараните приноси на најследените обврзници, што, во согласност со
очекувањата за (заострена) монетарна политика, скокнаа на највисоките нивоа во
последните 16 години – бараниот принос на 10-годишната американска обврзница
достигна 4,8% во петокот, а германската  достигна 2,89.

Изненадувачки силен
пазар на труд

Економските податоци покажуваат дека глобалната економија се
прилагодува на построгите услови за задолжување, подобро од очекуваното. Ова е
особено точно за САД, каде што последните податоци од пазарот на труд објавени
во петокот, беа големо изненадување. Бројот на новоотворени работни места во
САД се зголеми за 336.000 во септември, што е двојно повеќе од прогнозата на
економистите кои очекуваа дека летното опуштање на затегнатиот пазар на труд ќе
продолжи и во септември. Берзите на податоците реагираа прилично конфузно.
Прво, по претпоставка дека силниот пазар на труд значи поголем простор за
построга монетарна политика, приносите на обврзниците дополнително се зголемија
и цените на акциите паднаа. Потоа, последните часови од петочното тргување беа
проследени со закрепнување на берзанските индекси. Причината за ваквата
реакција делумно се бара во фактот што и покрај сè уште тесниот пазар на труд,
растот на платите во САД забавува, што значи помал притисок врз инфлацијата.
Пред сè, ова е уште еден доказ дека пазарите се често ирационални на краток рок
и подлежат на информации кои само изгледаат важни, но немаат значително
влијание на подолг рок. S&P 500 ја заврши турбулентната недела во позитива,
добивајќи 0,5%.

Јавниот долг на
Италија повторно под лупа

Настаните на европските берзи, исто така беа диктирани од
движењата на најследените обврзници. Најмногу внимание се посветува на
државните обврзници на Италија, која долго време е позната како економски
пациент на Европа поради високиот јавен долг и нискиот економски раст. Бараниот
принос на 10-годишната италијанска државна обврзница веќе се искачи над 4,90%.
На намалената доверба во италијанскиот јавен долг влијаеја тешките услови на
глобалниот пазар и веста дека италијанската влада ја зголеми прогнозата за
јавниот финансиски дефицит.

Подобри бројки во
Кина, што не мора да значи закрепнување

Додека кинеските берзи беа затворени минатата недела поради
празниците, најновите економски податоци од Кина покажуваат дека економската
активност донекаде расте. По серијата стимулативни мерки воведени од кинеската
влада во август, падот на продажбата на нови недвижности малку се ублажи, но сè
уште е рано да се најави поконкретно закрепнување на пазарот на недвижности и
економскиот раст.

СОВЕТИ ЗА
ИНВЕСТИТОРИТЕ

Зголемувањето на
каматите главно заврши. Но, политиките на централната банка остануваат главен
фактор на пазарите на капитал. Инфлацијата се смирува, но централните
банки сметаат дека падот е премногу бавен, па затоа се подготвени за
дополнителни мерки. Пазарот на труд останува силен, а глобалната економија
останува на територијата на раст. Меко приземјување е основното сценарио, иако
стравувањата од стагфлација повторно се зголемуваат во последните недели.
Инвеститорите и понатаму очекуваат пресврт на каматната политика, што
централните банки ќе ја туркаат до средината на 2024 година, која следствено
претставува ризик за пазарите. Глобалните и американските технолошки акции
се скапи и ова е главната причина зошто остануваме внимателни со инвестициите
во акции. Инвестициите во обврзници, главно поради врвот во циклусот на
зголемување на каматните стапки и придвижувањето кон област каде приносите на
обврзниците ќе бидат повисоки од инфлацијата, добиваат на
привлечност. Неопходно е да се задржи долгорочен пристап со периодично
зголемување на инвестициите. Диверзификацијата на портфолиото останува клучен
двигател за одржување и зајакнување на заштедите. Глобалното
диверзифицирано портфолио со комбинација од акциски фондови како што Генерали Топ
Брендови, Генерали Америка и
паричниот фонд Генерали Кеш
Депозит, го нуди најдобриот одговор на зголемените вреднувања од една
страна и забавувањето на глобалната економија од друга страна. Здравствениот
сектор е поволно вреднуван, а во исто време се појавуваат некои добри приказни,
како што е влез на вештачката интелигенција во здравството и лекот за
дебелината. Американските акции во моментот изгледаат ранливи поради
поголемиот удел на технолошките акции и минатиот раст, така што во овој
момент има смисла да се префрли некој денар од профитот од технологијата
или американските акции на други, помалку ризични инвестиции. Но, во
случај на можна корекција на девизните курсеви, тука ќе се појави можност за
купување, бидејќи основната можност останува непроменета поради развојот на
технологијата и вештачката интелигенција. Кинеските акции остануваат
шпекулативно атрактивни, но големиот пакет помош и реформи изгледаат
како се понеостварлива цел, па се поставува прашањето дали да се
држиме до таква шпекулативна инвестиција или дали би било подобро да се
префрлат средствата на друго место.