ФОТО Сообраќаен хаос кај Соборна поради исклучени семафори
Попладнево на раскрсницата кај Соборната црква во Скопје настана целосен сообраќаен хаос, откако семафорите престанаа да функционираат.
Возилата од сите правци истовремено тргнаа на средината на раскрсницата, по што настана застој. Возачите не знаеја кој има предност, па настанаа долги колони и застој во сообраќајот.
Очевидци велат дека владеел целосен метеж, а возилата биле заглавени едно до друго без можност да продолжат.
Засега нема информации дали надлежните служби интервенирале за да се воспостави ред и дали семафорите се активирани.
