ФОТО Се излеа реката во селото Лажец
Во текот на ноќта, реката во селото Лажец се излеа, предизвикувајќи штети на имотот на жителите. Некои куќи и помошни објекти биле поплавени, а дел од земјоделските површини се под вода.
Локалното население алармира дека ова не е првпат да се соочуваат со вакви проблеми, кои траат со години, и повикува на итни мерки за заштита и превенција од понатамошни поплави.
Жителите истакнуваат дека секоја година се соочуваат со истиот ризик, а недостатокот на соодветна инфраструктура и редовно одржување на коритото на реката ја зголемува опасноста од штети.
Тие апелираат до надлежните институции да интервенираат и да најдат долгорочно решение за заштита на селото.
