ФОТО Реката Вардар во Гостивар: Слика на суша и запуштеност

Една од поубавите глетки што треба да го краси градот Гостивар, реката Вардар, деновиве е речиси целосно пресушена.

Наместо силен тек, остана само суво корито полно со камења, а вода има само во неколку помали бари. Овој тажен пејзаж покажува дека природата и локалните власти имаат итен проблем за решавање.

Ова не е само последица на летните горештини, туку и на долгогодишната негрижа. Коритото е полно со ѓубре, а бреговите се обраснати со запуштена вегетација. Оваа слика зборува за потребата од итно дејствување за да се спаси реката која е симбол на градот.

Граѓаните се надеваат дека институциите ќе преземат сериозни мерки за чистење и одржување на речното корито и дека ќе се инвестира во проекти за заштита на животната средина. Во спротивно, Вардар ќе остане само тажна слика на запуштеност, а Гостивар ќе го изгуби еден од своите најважни природни богатства.