ФОТО Намален чадот од Дрисла: Изграден е земјен пат за да се изолира базен со запаливи гасови

Чадењето од депонијата Дрисла е значително намалено по интензивните активности на терен во изминатите денови, соопштија надлежните служби. Како клучен чекор во справувањето со кризата, изграден е дополнителен земјен пат со кој е отсечена опасна зона со отпадни води полни со запаливи гасови.

Според последниот извештај од терен, со изградбата на земјениот пат, ѕидот на депонијата е изолиран од заезерената површина, која била еден од главните извори на чадот. Оваа површина сè уште чади, но во неспоредливо помал обем во споредба со состојбата од пред неколку дена.

Активностите за целосно санирање на проблемот продолжуваат.

Овој еколошки инцидент со депонијата Дрисла, заедно со пожарите на Вардариште и во фабриката во Трубарево, со денови предизвикуваа сериозна загриженост за квалитетот на воздухот во главниот град.