ФОТО Го газеа државното знаме додека оддаваа почит во Гази Баба
Додека оддаваа почит пред споменикот на загинатиот припадник на безбедносните сили Бобан Ивановиќ, градоначалникот на Општина Гази Баба, Бобан Стефковски, и делегацијата која ја предводеше, стапнаа врз нацртаното државно знаме на Република Македонија, поставено на подот пред бистата.
Фотографијата од настанот предизвика реакции на социјалните мрежи и меѓу граѓаните, со забелешки дека ова претставува непочитување на државниот симбол.
Според Законот за употреба на грбот, знамето и химната, знамето мора да се користи на достоинствен начин и не смее да се поставува на места каде што може да биде осквернавено – вклучително и на под или на начин што дозволува да се гази по него.
Иако намерата била одбележување и изразување почит, дури и кога симболот е сликовито претставен, останува важечки државен знак со соодветна заштита. Вакви примери, велат, треба да бидат сигнал за поголема внимателност при организирање јавни настани и користење државна симболика.
Од Општина Гази Баба засега нема официјална изјава за спорната ситуација.
