ФИСКАЛНИТЕ ПРАВИЛА НА ЕУ БАРААТ ДРАСТИЧНО НАМАЛУВАЊЕ НА БУЏЕТОТ: Најсилните европски економии пред голем предизвик
Белгија мора да го намали буџетот за дури 2,7 милијарди евра
следната година за да се усогласи со фискалните правила на ЕУ, се вели во
неодамнешната анализа на Европската конфедерација на синдикати (ETUC).
Студијата покажа дека се потребни кратења на трошоците
еквивалентни на износот потребен за ангажирање на 37.888 медицински сестри со
полно работно време или 82.500 наставници.
Беше наведено и дека буџетските ограничувања на ЕУ бараат
слични драстични кратења во Франција, во износ до 13,2 милијарди евра.
Повторувајќи ги коментарите дадени претходно оваа година,
генералниот секретар на ETUC, Естер Линч, ги критикуваше фискалните правила на
ЕУ и сугерираше дека нивното спроведување неизбежно ќе предизвика буџетски план
наречен „штедење 2.0“ – упатување на длабоките намалувања воведени од многу
земји-членки пред една деценија по кризата во еврозоната.
– Европските лидери треба да ги научат лекциите од минатото:
од болното искуство веќе знаеме дека штедењето значи помалку работни места,
пониски плати и недоволно финансирани јавни услуги – рече Линч, додавајќи дека
задолжителните кратења на трошоците се случуваат во услови на зголемени
корпоративни профити, како и криза
на трошоците за живот без преседан во голем дел од Европа. Политичарите не можат да им кажат на
најсиромашните повторно да ги отворат џебовите, додека на најбогатите тапите за
шампањ, изјави Линч за The
Brussels Times.
ФОТО: Unsplash
