Финансиска помош за семејствата на настраданите во Кочани: Македонската берза, Централниот депозитар и Загребската берза донираат 25.000 евра
Македонската берза, Централниот депозитар за хартии од вредност и Загребската берза ќе донираат финансиска помош од 25.000 евра во новоформираната фондација на Македонската банкарска асоцијација „Заедно за едно“.
Средствата ќе бидат искористени за помош и поддршка на семејствата на загинатите и повредените во страшниот пожар во Кочани минатиот месец.
„Како продолжени промотори на принципите на општествена и корпоративна одговорност, овие три институции веруваат дека во вакви моменти заедништвото и солидарноста имаат огромно значење. Тие се обврзуваат да дадат конкретен придонес и да поттикнат и други субјекти, во рамките на своите можности, да се вклучат во активностите за помош и поддршка на засегнатите од трагедијата во Кочани“, соопштија од Македонската берза.
