„Фич“ го потврди кредитниот рејтинг на Македонија: Економијата на стабилна патека

Агенцијата за кредитен рејтинг „Фич“ го потврди рејтингот на РС Македонија на „BB+“ со стабилен изглед, што претставува директно признание за успешноста на економските политики, соопштија од Министерството за финансии.

Според извештајот, клучни столбови на оваа стабилност се конзистентните макроекономски мерки, долгогодишниот фиксен девизен курс и одличните показатели за управување во споредба со сличните земји.

Податоците покажуваат дека македонската економија е во фаза на забрзување. Во 2025 година е забележан раст од 3,5%, придвижен од силната домашна побарувачка и инвестициите кои скокнаа за високи 8%. Прогнозите на „Фич“ се оптимистични: се очекува стабилен раст од 3% во 2026 година и дополнително засилување до 3,4% во 2027 година.

Фискалната политика останува одговорна, со фокус на намалување на дефицитот.

Сигнал за инвеститорите Иако постојат надворешни ризици, особено кај енергенсите, „Фич“ оценува дека тие нема долгорочно да ја загрозат економијата. Процесот на пристапување кон ЕУ останува главниот мотор за реформите на среден рок. Оваа потврда на рејтингот е силен сигнал за доверба до меѓународните финансиски пазари и странските инвеститори дека Македонија е сигурна и предвидлива дестинација за капитал.