Фатен бегалец од затвор, четири години бил во бегство

Денеска (30.04.2025) од страна на Единицата за интервентна полиција при СВР Скопје лишен од слобода е А.А.(54) од Скопје, кој бил баран со централна и меѓународна потерница  по наредба на КПУ Идризово поради бегство од затворот. А.А. е осуден на казна затвор од 10 години и пет месеци за сторени кривични дела “Неовластено производство и пуштање во промет наркотични дроги, психотропни супстанции и прекурсори” по чл.215 ст.1, “Неовластено изработување, држење и тргување со оружје или распрскувачки материи” по чл.396 ст.1 и “Фалсификување исправа” по чл. 378 ст.1 вв ст.1 од КЗ, а за доиздржување имал шест години и два месеци.

А.А. на 05.02.2021 бил пуштен на домашно отсуство, по што се дал во бегство.

Лицето ќе биде предадено на надлежната казнено поправна установа.