ФАКТОР НА ДЕНОТ: Над илјада производи ќе се продаваат со замрзнати маржи до крајот на април
ЗАМРЗНАТИ МАРЖИ НА МНОГУ ПРОИЗВОДИ
Заменик-министерот за економија и труд Марјан Ристески денеска изјави дека се ограничуваат маржите на повеќе производи. Опфатени ќе бидат млекото, брашното, јајцата, киселото млеко и други. Ограничени маржи ќе има и за свежото овошје и зеленчук, но и на средствата за лична хигиена.
Се утврдуваат и највисоки цени на осум групи на производи. Највисоки цени се оние кои се применувале на 1 февруари.
Владата на денешната седница донесе две одлуки со кои за 102 групи производи се ограничуваат маржите во трговијата на големо и на мало, а за осумте најосновни производи практично се замрзнуваат цените на ниво од 1 февруари годинава. Двете одлуки ќе стапат на сила следниот ден откако ќе бидат објавени во Службен весник, а ќе траат до 30 април, беше соопштено на прес конференција во Владата.
ГАШИ ДОБИЛ ЗАКАНИ ПО ЖИВОТ
Собранискиот спикер Африм Гаши добил закани по живот на мејл.
По интервјуто на спикерот за емисијата „360 степени” емитувана синоќа, на службениот мејл на Гаши стигнала порака со заканувачка содржина, во која се вели дека ќе влезат во Собранието и ќе „има бесење“ на сите што се за Бугарите ако се усвојат уставните измени, објави порталот 360 Степени.
„Уставни измени никогаш, никогаш, никогаш да има, ќе има бесење и колење и убивање на сè бугарско, фашистичко. Тие се фашисти и нивното место е на бесилка, да се лекуваат од болеста што ја имаат.
И МИТКО ЈАНЧЕВ ПРИЈАВИЛ ЗАКАНИ
Градоначалникот на Кавадарци, Митко Јанчев повторно пријавил закани од страна на сограѓанин, откако пред самиот крај на минатата година едно лице веќе беше уапсено.
– Вчера во 14:05 часот во ОВР – Кавадарци, М.Ј., на возраст од 43 години – градоначалник на општина Кавадарци, пријавил дека Н.Ј. на социјална мрежа и на телефон му упатувал закани. Се работи на расчистување на случајот, објави СВР – Велес.
Кавадарчанецот С.М. (29) претходно беше лишен од слобода и доби кривична пријава откако преку социјалните мрежи му се заканувал на градоначалникот Јанчев и неговата фамилија.
Градоначалникот на Кавадарци денеска потврди за МИА дека тој и неговата фамилија биле мета на закани.
СРЕДБА ВО РИЈАД ЗА УКРАИНА
Новинарката на „Фокс њуз“ и дописничка од Белата куќа, Жаки Хајнрих извести дека САД и Русија моментно расправаат за план за мир во Украина во три фази – примирје, избори во Украина и потпишување на финален договор.
По разговорите меѓу САД и Русија, Стејт департментот извести дека американската и руската делегација се договориле за „отстранување на пречките“ за билатералните односи и за продолжување на подготовките за преговори за руската војна против Украина. Конректно, договорено е именување на „тимови на високо ниво“ за преговори за Украина.
ЧИТАЈТЕ УШТЕ
Владата во текот на оваа година планира да ја разгледува можноста за изградба на наменска гасна централа која ќе произведува електрична и топлинска енергија за потребите на клиничкиот центар „Мајка Тереза“.
Младите велат дека за дружење со пријателите, излегување во кафулињата им се потребни пари кои ги добиваат од родителите. Според нивните одговори, месечно трошат по 50 или 100 евра за социјализација, но признаваат дека имаат и врсници кои често не им се придружуваат на прослави по некој повод, празник, шетање, излегување во кафулиња, поради немање финансии.
За сума од близу еден милион евра се продаде управувачкиот пакет акции на компанијата „Стоковна куќа“ Корзо, односно Јавор од Битола.
Дивидендниот потенцијал на трите најголеми банки сега е 580 милиони евра. Колку пари од тие ќе завршат како награда за акционерите во форма на дивиденда ќе видиме наскоро
Горазд Поповски, како независен член, Сашко Бошков, Олга Павлова, и Горан Марковски како независен член. Тие ќе бидат нови членови на Надзорниот одбор на „Македонијатурист“, соопшти компанијата преку Македонската берза, откако вчера се одржа вонредното акционерско собрание на таа компанија.
