ФАКТОР АНАЛИЗА: Скопските ИТ компании доминираат со направените добивки кај програмерите
Скопските компании доминираат во најбрзорастечката индустрија – ИТ секторот во најголемите десет остварени добивки од изработка на софтвер и други компјутерски услуги во Македонија за 2023. Сите 10 фирми за програмирање и слични дејности оваа година се скопски.
Пишувањето кодови е топ бизнис на нашата сегашност. Дигиталната доба во која живееме креира бизнис клима во која програмерите се неопходни, а според тоа и одлично платени.
Македонија има голем број компании кои глобално се конкурентни на пазарот на производство софтвер и пишување кодови. Нашите програмери се конкуренти на светскиот пазар на труд, а на нашата земја и носат значајни приходи од извоз на памет односно од производтво и продажба на софтвер на глобалниот пазар.
На првото место е Аксапта Мастерс со чист домашен капитал основана од Игор Трпковски, Ристе Маревски и Владимир Митрески. Има 276 вработени, бројка која во континуитет се зголемува.
На второто место е швајцарската софтверска компанија Нетцетера со филијала во Скопје и 419 вработени во Скопје, а трета за минатата година е Киншифт (до лани беше Сеавус пред да се ребрендира) со 694 вработени лица зад кои стои чешкиот сопственик „Арицома Гроуп АБ“. А.К.
Извор: Центар регистар
