Евролига пак ја казни Звезда и ѝ направи проблем за клучниот меч

Звезда ќе ја „одлежи“ казната на натпреварот против Анадолу Ефес в петок кој е од круцијално значење за белградскиот тим во борбата за пласман во плејофот или плејинот од елитното европско натпреварување. Ова значи дека Звезда нема да игра пред полни трибини во мечот кој мора да го добие за да ги задржи шансите за место во топ-6.

Звезда и Анадолу Ефес се израмнети со биланс 18/14 и на делба од шестата до десеттата позиција. Теоретски, белграѓани можат да бидат загрозени и од Партизан и од Олимпија Милано кои имаат две победи помалку, но подобар биланс во меѓусебните пресметки.