ЕВЕ ЗОШТО НОРВЕЖАНИТЕ МОЖАТ МИРНО ДА СПИЈАТ – најголемиот државен фонд на светот лани имаше добивка од 213 милијарди долари
Најголемиот светски државен богат фонд Norges Bank Investment Management (NBIM) забележа рекорден профит од 213 милијарди долари (2,22 трилиони круни) за 2023 година.
Норвешкиот NBIM, кој има проценета вредност на фондот од 1,6 трилиони долари, вели дека причината за ваквиот резултат е инвестирањето во акции на технолошки компании.
Николај Танген, извршен директор на НБИМ, коментира дека „2023 година заврши многу подобро од очекуваното“, бидејќи бизнисот се врати од рекордната загуба во 2022 година од 1,64 трилиони круни.
Компанијата објави дека технолошките акции сочинуваат половина од приносите на фондот поради растечкиот пазар на вештачка интелигенција, посилните економски прогнози и пониските каматни стапки.
Со своите највредни компаниски акции во Мајкрософт, Епл и Нвидија и највредните не-технолошки акции во фармацевтската компанија Ново Нордиск. Данскиот Ново Нордиск стана една од највредните европски компании оваа година.
Суверен фонд со огромни профити
НБИМ е основан во 1990-тите од Норвешка со намера да инвестира вишок приходи од секторот за нафта и гас во земјата. Досега има инвестирано во повеќе од 8.500 компании во 70 земји во светот.
Норвешка е еден од главните европски извозници на сурова нафта, а од избувнувањето на руската војна таа стана најголемиот снабдувач на гас во Европа.
Приливите или тој вишок приход од норвешката држава во фондот во 2023 година изнесуваат 711 милијарди круни, што е второ највисоко ниво во историјата на фондот, што е помалку од рекордот поставен во 2022 година од речиси 1,1 трилиони круни.
Бонитет.ком
Фото: Принтскрин Norges Bank Investment Management
