Еуро Никел го надигра ФМП, Чаир подобар од Феникс
Во првото полувреме се водеше израмнета борба меѓу Еуро Никел и ФМП, а на полувремето водството за кавадарчани изнесуваше 56-52.
ФМП даде отпор и во вториот дел сè до 62-62, по што следеше серија од 10-0 на Еуро Никел кој потоа продолжи да го полни кошот на гостите за триумф од 94-77.
Најефикасен во победничкиот тим беше Смит МекСвејт со 23 поени, додека најдобар кај ФМП беше Огундиран.
Чаир по големо дерби славеше против Феникс со 74-70, а најефикасен беше Корбет со 26 поени и 18 скокови, додека Хејнс-Џонс постигна 19 поени и шест асистенции за Феникс.
