ЕСМ бара изведувач за две фотонапонски централи
АД ЕСМ објави отворена постапка за избор на изведувач на две фотонапонски централи – Осломеј 2 од 10 мегавати и ФЕЦ Битола од 20 мегавати.
Како критериум е вклучен и поврзувањето на мрежа, а проектот е финансиран од Европската банка за обнова и развој EBRD.
„Набавката и евалуацијата ќе се изведуваат според правилата на European Bank for Reconstruction and Development (EBRD). Условите за учество се вклучени во документите прикачени на порталот (е-набавки). Компаниите можат да побараат појаснување и дополнителни информации согласно упатствата дадени во документите“, соопшти ЕСМ.
Повикот е објавен и на веб страницата на АД ЕСМ.
