ЕКОНОМСКО ДРЖАВЈАНСТВО: Koлку инвеститори чекаат црногорски пасош?
Странци инвестираат во Црна Гора и добиваат пасоши. Околу 400 инвеститори бараат црногорски пасош.
Црна Гора не решила 398 барања за добивање државјанство, како дел од програмата за економско државјанство, стои во извештајот на Европската комисија (ЕК) за Црна Гора.
Како што пренесува РТЦГ, на 15 јуни годинава сè уште биле во тек 398 пријави. Останатите нерешени апликации, како што додаваат од Европската комисија, треба соодветно да се проверат за да се осигура дека тие се целосно усогласени со сите рестриктивни мерки на Европската унија.
Сепак, има 12 земји кои се на листата на безвизен режим за Црна Гора, но не и за ЕУ, од кои седум имаат трајно ослободување од визи (Азербејџан, Белорусија, Кина, Кувајт, Катар, Русија, Турција), а пет имаат сезонско укинување на визите за влез во Црна Гора од туристички причини помеѓу април и октомври (Ерменија, Египет, Казахстан, Саудиска Арабија, Узбекистан).
Црна Гора воведе визи за жителите на Обединетите Арапски Емирати, како и за граѓаните на Куба и Еквадор (во јануари, април и мај 2023), на кои порано им беше доволен само пасош за да влезат во земјата.
Од економските државјанства во Црна Гора, вкупните ефекти до 2022 година се проценуваат на 97 милиони евра. Турција е сериозен конкурент на Црна Гора. Богатите Руси заминуваат во Турција.
Во периодот од 7 декември 2020 година до 15 февруари 2022 година, Црна Гора преку програмата за економско државјанство инкасирала повеќе од 73 милиони евра. Од таа сума, повеќе од 50 милиони се инвестирани од руски граѓани.
