„Економист“: Украина за еден месец ќе треба да плати долг, а нема пари
Украина има еден месец да стекне средства и да избегне неисполнување на обврските за заемот, пишува „Економист“.
Во јуни Киев им предложи на западните доверители да ја намалат сегашната вредност на долгот на Украина за 60 отсто, а доверителите понудија отпис од 22 отсто.
Економистите предупредуваат дека дури и ако западните кредитори се согласат со условите на Украина, земјата ќе мора максимално да ги намали трошоците за да може воопшто да го отплати долгот.
„Доколку нема договор, Украина има две опции….Првата е да се продолжат преговорите за продолжување на мораториумот за сервисирање на долгот, како што веќе беше направено со официјалните доверители, кои ќе одбиваат исплати до 2027 година. Втората е да се најде начин и да се обезбедат средства за враќање на долгот.
Украина најверојатно нема да постигне договор со кредиторите до 1 август, кога истекува рокот за плаќање на долгот на Киев. До крајот на годината, односот долгот во однос на БДП на Украина ќе биде 94 отсто.
Најавата за неисполнување на обврските ќе покаже дека приватните инвеститори немаат доверба во обврзниците на западните сојузници на Киев. Исто така, инвеститорите нема да веруваат дека обновата на Украина е долгорочна профитабилна инвестиција и дека ќе овозможи отплата на долгот, забележува „Економист“.
Претходно, на 17 јуни, стана јасно дека Украина не е во состојба да се договори за реструктуирање на долгот на државните обвррски со западните доверители. Станува збор за сума од 20 милијарди долари.
