Еден од убијците на Данка Илиќ сакал да го смени адвокатот

Еден од убијците на Данка Илиќ од Бор сакал да го смени адвокатот. 

Срѓан Јанковиќ (50), кој управувал со службениот автомобил на ЈКП „Водовод“, а на 26 март во Бањско Поље удрил во Данка Илиќ (2) и е во притвор како и Дејан Драгијевиќ (50), досега се бранеше со молчење во Вишото јавно обвинителство на Заечар, но сега го сменил ставот и се очекува дека, место да молчи, ќе им каже сѐ на надлежните, известува српски Курир.

„Срѓан Јанковиќ денеска му го откажа полномошното на својот адвокат бидејќи не сака повеќе да го брани. Очигледно е незадоволен од неговите совети и од тоа како се бранел пред надлежните органи. Јанковиќ побарал да му биде доделен адвокат по службена должност. Тоа нѐ изненади бидејќи ретко се случува осомничениот сред рочиште да бара смена на адвокат“, објаснува српски Курир.

Засега не се знае кој адвокат ќе му биде доделен на Јанковиќ, но тоа ќе се реши до четврток.

Телото на девојчето не е најдено.