Еден од најмаркантните германски клубови е пред банкрот и гаснење

Од почетокот на пандемијата со корона вирусот, ситуацијата целосно се смени, тимот влезе во финансиски проблеми, два пати во три сезони испадна од Бундеслигата, а сега му се заканува испаѓање и од Втората лига. Ако тоа се случи, ќе значи автоматски банкрот и гаснење на клубот.

Скај Германија пренесува дека поради лошото управување, долгот на Шалке пораснал на 165 милиони евра. Во таква ситуација, клубот не би можел да добие лиценца за настап во Третата лига и ќе мора да биде прогласен банкрот, па стечај, а овој Шалке ќе престане да постои и ќе се формира нов субјект кој ќе почне од аматерска конкуренција.

Тоа би била тотална катастрофа за Гелзенкирхен како фудбалски центар во Германија, а најмногу за клубот кој има седум титули во Бундеслигата, пет во Купот на Германија и една во поранешниот Куп на УЕФА. Во моментов Шалке е на 15. позиција на табелата во Цвајта, а во понизок ранг се селат екипите од 16. до 18. место.