ДВЕ МИНИМАЛНИ ПЛАТИ: Црна Гора објави колку ќе заработуваат оние со средно и другите со повисок степен на образование

Се зголемува минималецот во Црна Гора. Оваа земја воведува две минимални плати – од 600 и 800 евра. Минималецот во јуни годинава изнесуваше 532.5 евра. 

Државата воведува две минимални плати за вработените во зависност од образованието. За оние со средно и пониско образование минималецот би изнесувал 600, а за вработените со вишо и повисоко образование од тоа – 800 евра.

Ваква измена на Законот за труд изгласа Социјалниот совет, а останува истата да ја усвои Собранието. 

Воведување две минимални плати е дел од нацртот на фискалната стратегија на Владата, како и на политичката програма „Европа сега 2” за да може статистички да се дојде до просечна заработка од 1.000 евра. Премиерот Милојко Спајиќ ја поздрави одлуката за зголемување на минималецот. 

Во 2020 година минималната плата изнесувала 222 евра. Сега со најавеното зголемување таа би се зголемила за скоро четирипати.

foto freepik.com/claudiodiv