Дујовски: Пукањето во Ист Гејт најверојатно е нарачано убиство, извршителот не е искусен со огнено оружје
Нарачано убиство, а извршителот не е многу искусен со оружје. Вака ги коментира вчерашните случувања деканот на Факултетот за безбедност Никола Дујовски во интерву за Сител.
„Начинот на кој се употреби огненото оружје кое јасно можеше да се забележи говори за тоа дека тој не е многу искусен за користењето на огненото оружје, повредите кои се настанати кај лицата иако се од тешка природа сепак не се во виталните органи“, изјави Никола Дујовски, декан на Факултетот за безбедност.
Тој додава дека станува збор за криминална пресметка и нарачано убиство.
„Тоа може да говори дека станува збор за баш онака класична криминална пресметка, нарачано убиство кое што за среќа на повредените не се реализирало“, додава Дујовски.
4NEWS.mk утрово објави за можноста убиецот да носи силиконска маска, а вечерва професорот по однос на ова прашање рече дека треба да се почека, бидејќи од сликата не може точно да се утврди тоа.
„Дали тој носел маска, навистина треба да почекаме, од снимката не може да се утврди такви нешто ќе видиме дали брзо може да се лоцира неговиот идентитет и да се биде пронадејно лицето и да одговара. Меѓутоа за тоа се уште е рано, сепак ова се сериозни дела кои завршуваат многу често со успех на органите на прогонот, откривани се за разлика од останатите дела“, заклучува Дујовски.
