ДОЖД И СИЛЕН ВЕТЕР НИЗ ЗЕМЈАТА Метеоролозите предупредуваат на нагло заладување
Метеоролозите најавуваат променливо облачно и посвежо време утре (вторник), со повремени локални врнежи од дожд претпладне во повеќе региони низ земјава. Ќе дува слаб до умерен, а долж Повардарието повремено засилен северен ветер, кој ќе придонесе за пад на дневните температури.
Минималните утрински температури ќе се движат од 4 степени во Берово до 11 степени во Гевгелија, а дневните ќе достигнат од 15 во Маврово до 21 степен во Гевгелија.
Во Скопје, утрешниот ден ќе биде претежно облачен, со повремени врнежи од дожд и слаб до умерен северен ветер. Температурите во главниот град ќе се движат од 9 до 16 Целзиусови степени.
Во среда ќе настапи разведрување, а времето ќе биде сончево со мала до умерена локална облачност. Ќе дува слаб до умерен северозападен ветер, со утрински температури од -1 до 7 степени, а дневните ќе достигнат од 12 до 19 степени.
Во четврток времето ќе се задржи стабилно и сончево, со утрински температури од -3 до 6 степени и дневни од 13 до 19 степени. Северозападниот ветер ќе продолжи да дува со слаб до умерен интензитет.
.
