Директорот на ТИРЗ: Царините на Трамп индиректно ќе ги погодат слободните индустриски зони

Гоце Димовски, директорот на Дирекцијата за технолошко индустриски слободни зони, во емисијата „КликПлус“ на ТВ21 рече дека големата царинска стапка што САД и администрацијата на претседателот Доналд Трамп и ја воведоа на Македонија индиректно ќе ги погоди странските инвеститори.

– Директен ефект ние ќе почувствуваме, но до одредена и не толку голема мера. Но индиректнито ефект ќе има кај сите извозници од Макеоднија чиј најголем дел од производите е наменет за ЕУ и таму се очекува понегативни последици по компаниите, вклучувајќи ги и компаниите од ТИРЗ-овите, но колкав ќе биде ефектот, ќе покаже времето

Сите се во ситуација на исчекување, секојдневно сум во контакт со нив, ќе мора да почекаме да видиме првата половина од 2025 како ќе помине. Согласно информациите, одма по донесената одлука на администрацијата на Трамп, се стапи во контакт со Стејт Департменот и претставници од нашата Влада се во секојдневна комуникација за изнаоѓање на решение, Премиерот Мицкоски веќе најави дека ќе има позитивни вести, рече Димовски.

Директорот на ТИРЗ откри дека ирско – американската компанија за изработка на авто делови „Аптив“ по девет години работа во „Бунарџик“, најверојатно ќе ја продаде фабриката на друга мултинационална компанија.

– Последнити информации се дека се бара купец од Аптив за друга мултинационална компанија што е заинтересирана, Аптив во 2014-2015 ја купува фабриката од друга мултиналционална компанија и тоа е нешто што постои, кажа Димовски..

Како што додаде, Аптив како странски инвеститор има договорни обврски и ќе мора да ја врати државната помош со камата доколку си замине од Македонија.