Димитриевски со порака до матурантите: Ви посакувам успех на секое поле, вие сте нашата гордост и иднина!
Градоначалникот на општина Куманово Максим Димитриевски упатува честитки до сите матуранти:
„Драги матуранти, вие сте нашата гордост и иднина!
Ви посакувам успех на секое поле, секогаш смело да ги следите вашите соништа и да имате верба во себе.
Без разлика дали ќе се одлучите да го продолжите вашето формално образование или не, секогаш имајте поставено цели во животот и никогаш не се откажувајте.
Животот е борба, а човекот се бори и учи додека е жив!
Општина Куманово ќе продолжи да се залага и да ги штити интересите на сите граѓани на Куманово, со фокус на Вас, идните генерации кои допрва ќе дадете свој придонес во сите општествени сфери!“, се вели во честитката.
