Деспотовски: Фабриката за електрични автомобили ќе се изгради, ама прво Владата треба да го одобри закупот

Владата пред една година со „Некст.Е.ГО Мобиле“ потпиша договор за државна помош за нова инвестиција, која предвидува целосно производство на електрични автомобили e.GO во ТИРЗ Тетово.

Градежни активности на терен и натаму нема, а директорот на Дирекцијата за технлошко-индустриски развојни зони Јован Деспотовски денеска рече дека се уште не е постигнат договор со компанијата за закуп на земјиште.

– Компанија потпиша договор за изградба на фабриката со три градежни компании, а сега се чека Владата да даде зелено светло за договорот за закуп. Топката е кај владата за давање под закуп на земјиштето, а потоа ние треба да направиме подготовка на теренот. Таму земјиштето е под ризик од поплава. Потоа ќе започне странската инвестиција. Работите не се движат со таа динамика со која сакаме да се движи, но се движи, рече Деспотовски како одговор на новинарско прашање.

Тој додаде дека очекува во наредните неколку недели Влаадата да даде согласност на договорот за закупот.