ДАЛИ ВЛЕГУВААТ ВО КРИТИЧНА ФАЗА: Националниот долг на Црна Гора е 66,36 отсто од БДП

Црногорскиот национален долг е 4,67 милијарди евра или 66,36 отсто од БДП.

Вкупниот национален долг на Црна Гора на крајот на март (без депозити) изнесува 4,67 милијарди евра или 66,36 отсто од бруто домашниот производ (БДП), стои во кварталниот извештај на црногорското Министерство за финансии.

Депозитите на крајот на март изнесувале 774,24 милиони евра, во кои се вклучени 38.450 унци злато, кои вредат 78,81 милиони евра (или 11,01 отсто од БДП).

Вкупниот надворешен долг на Црна Гора на крајот на првиот квартал изнесува 4,16 милијарди евра или 59,09 отсто од БДП, што е за 639,36 милиони евра повеќе од крајот на минатата година. Во текот на првиот квартал има пораст на нето државниот долг во апсолутен износ во однос на крајот на минатата година за 608,04 милиони евра, а неговиот пораст во однос на БДП е само 7,07 отсто, пренесува Танјуг.

foto freepik.com