ДАЧИЌ: Ако Србија реши да војува, на Косово нема да му помогнат ниту милион „Џавелини“
Ако Србија реши да војува, на Косово нема да му помогнат ниту милион Џавелини, вели српскиот шеф на дипломатијата, Ивица Дачиќ.
Тој изјави дека е важно Српската православна црква (СПЦ) да работи на односите со Ватикан бидејќи во интерес на Србија е папата да биде на српската страна. Тој потсети дека Косово веќе некое време негува неформални врски со Ватикан.
„Дали ни е важно дали Ватикан ќе го признае Косово или не… Дали ќе правиме нешто или ќе продолжиме да бидеме во рововите што не се добро за нас. Во наш интерес е папата да биде на наша страна“, истакна тој.
Тој тврди дека не е важно дали Ватикан ќе го признае Косово или не, бидејќи се знае колку од светот е под влијание на Ватикан. Српскиот министер зборуваше за американската продажба на противтенковски ракети Џавелин на Косово. Тој рече дека тоа не испраќа порака до Србија, туку дека е дел од долгорочната цел да се помогне за независноста на Косово, која почна да се реализира во 1990-тите. Косово се вооружува, но и Србија.
