ДА ПОЧНЕ ШТО Е МОЖНО ПОСКОРО: Локалните власти во Ќустендил бараат изградба на автопатот и пругата до Македонија
Локалните власти во Ќустендил бараат брз почеток на изградбата на автопатот и пругата до Македонија.
Изградбата на автопатот од Дупница до граничната точка Ѓуешево со Северна Македонија треба да почне што е можно поскоро, инсистираат локалните власти во Ќустендил, пренесува БНТ.
Општинските советници во ќустендилскиот регион стравуваат дека Северна Македонија се обидува да ги пренасочи европските средства наменети за Коридорот бр. 8 во друг паневропски транспортен коридор – преку Србија.
Советите на општините во целиот регион излегоа со општа декларација со која бараат властите во Бугарија да посветат сериозно внимание на напредокот на важната инфраструктурен проект кој освен патна, вклучува и железничка пруга. Декларацијата ќе биде испратена до претседателот на Бугарија, Националното собрание, Советот на министри и други институции во соседната земја.
