ЦУК: Шумски пожар во oпштина Петровец – на терен пожарникари!
Преку 112 во ЦУК е добиена дојава за шумски пожар за пожар на дабова шума кај с. Градманци во Општина Петровец, кон с. Џидимирци во Општина Велес.
Дежурните оперативци во Секторот за операции и координација во ЦУК во Скопје, ја координараа интервенцијата преку Регионалниот ЦУК Град Скопје и Регионалниот ЦУК Велес при што е лоцирано дека од пожарникарите од ТППЕ Велес имале дојава за истиот пожар, но според координатите тој бил на скопска територија.
Затоа, пожарникарите од БППЗ на Град Скопје од 15:20 часот со 5 пожарникари и 1 ПП возило интервенираат на пожарот кај с. Градманци во Општина Петровец.
Ситуацијата се следи од страна на Секторот за операции во ЦУК и согласно информациите од терен ќе се преземаат и други мерки и активности, ако налага ситуацијата.
