Црвена звезда добро ја испоти Барселона, но не ја изненади!
Во текот на вториот период Барселона имаше предност од 17 разлика, но како одминуваше натпреварот Црвена звезда ја топеше негативата и комплетно се врати во мечот.
Во финишот од натпреварот црвено-белите го израмнија резултатот на 78-78, но во одлучувачките последни минути Барселона беше подобра, направи серија од 8-3 и го доби мечот со 86-81.
Најефикасен на мечот беше Митровиќ од Црвена звезда со 22 поени, Теодосиќ постигна 13, во тимот на Барселона Паркер реализираше 20 поени.
По седум одиграни меча српскиот тим има две победи и пет порази, Барселона има шест победи и само еден загубен меч.
