Чурлинов пропушти голема шанса, Јагиелонија прими четири гола од Ајакс
Полскиот шампион загуби на домашен терен со 1-4 и има минимални шанси да стигне до групната фаза во Лигата Европа, но има загарантиран пласман во Конференциската лига. Поведе преку Диегез во петтата минута, но потоа Ајакс ја покажа својата моќ. Акпом постигна хет-трик, а четвртиот гол беше дело на Готс. Чурлинов во финишот имаше голема шанса да го ублажи поразот, но шутираше непрецизно.
Вечерва играше и Енис Барди кој во дресот на Трабзон помина 73 минути на гостувањето кај Сент Гален. Натпреварот заврши без голови, па турскиот тим пред своите навивачи ќе брка пласман во групната фаза од Конференциската лига.
