Чудесен пресврт: Пелистер губеше со минус 20 во Гевгелија и на крајот – победи!
Домаќинот кон средината на вториот период имаше неверојатно водство со 40-20, што им даде надеж на навивачите дека може до значајна победа во битката за опстанок. Но, токму тоа како да ги разбуди битолчани, кои потоа заиграа далеку подобро. Зелено-белите полека, но сигурно ја намалуваа негативата на противникот, за во последните десет минути буквално да го сомелат и со резултат 31-13 да дојдат до посакуваниот пресврт за триумф.
Јуре Планиниќ со 24 поени и осум скока и Андреј Маслинко со 16 поени и 10 скока беа најдобри во победничкиот тим, додека Марковиќ со 20 и Вујадиновиќ со 19 поени беа најпрецизни кај гевгеличани.
Пелистер со оваа победа дојде до скор 16-6 и само го потврди третото место на табелата, кое во првата рунда од доигрувањето речиси сигурно ќе им го донесе Еуро Никел. Првата рунда од доигрувањево сезонава ќе се игра во три добиени средби, а новитет е што првите два дуели ќе се играат на теренот на подобро пласираниот противник односно според системот 2-2-1.
