Чави знае против најдобрите, не му оди со слабите

Интересна е статистиката која ја има 43-годишниот стручњак кој минатата сезона ѝ ја донесе на Барса првата титула по пауза од четири години. Ако се сметаат дуелите со најдобрите екипи во шпанското првенство во последните две години, Чави има над 85% успешност.

Под негово водство, Барселона победи на сите четири натпревари против Атлетико, сите четири против Билбао и трите против Валенсија. Со Севиља, на пет меча има четири победи и едно реми, а единствените два пораза ги претрпе од Реал во четирите меча во кои има и две победи.

Кога ќе се подвлече црта, Барселона со Чави им 17 победи, едно реми и два пораза на вкупно 20 натпревари. Сето ова е уште поинтересно ако се знае дека Барса сезонава загуби бодови од Мајорка, Гетафе, Гранада и Рајо Ваљекано, екипи кои се наоѓаат во долниот дел од табелата во Ла Лига. Да славеше на овие четири натпревари, каталонскиот тим ќе беше лидер на табелата, а вака се наоѓа на третата позиција на табелата со четири бода заостанување зад Реал.