ЦЕЛА БОЛНИЦА Е ЕВАКУИРАНА ПОРАДИ СТРАШНИТЕ ПОЖАРИ ВО ГРЦИЈА: Бебиња и други пациенти ги лекуваат на траекти

Пациентите од болница се евакуирани и префрлени на траект во
грчкото пристаниште Александрополи, за да ги оддалечат од пожарот кој беснее
четврти ден по ред додека новиот топлотен бран ја погоди јужна Европа.

Властите ги повикаа граѓаните да ја избегнуваат жештината
бидејќи Франција, Италија, Шпанија и други земји се соочуваат со топло, суво и
ветровито време што научниците го поврзуваат со климатските промени.
Пожарникарите гаснеа пожари и во Шпанија и Италија.

Траект во Александруполи, на североистокот на
Грција, е претворен во импровизирана болница, откако во раните утрински часови
од универзитетската болница биле евакуирани 65 пациенти, меѓу кои и доенчиња.
Амбулантни возила префрлиле и пациенти од блиската клиника.

Постарите пациенти лежат на душеци поставени на подот во
кантината, болничарите им помагаат на луѓето на носилки, на лице место се дава и интравенска терапија. Тука
работам 27 години, вакво нешто не сум видел“, изјави медицинскиот техничар
Никос Гиоксидис.

„Болнички носилки насекаде, пациентите овде, интравенски таму… беше како војна, како
да пукна бомба“, додаде тој.

Неколку заедници во поширокиот регион на Евро, во близина на
границата со Турција, беа евакуирани бидејќи властите предупредија дека ризикот
од нови пожари ќе остане висок во следните неколку дена.

Изгореното тело на маж, за кој се верува дека е мигрант, е
пронајдено во понеделникот во рурална област во близина на Александруполи,
изјави претставник на локалната полиција. „Временските услови се екстремни и ќе
останат екстремни во наредните денови“, изјави портпаролот на противпожарната
служба Василис Вартакоџанис за ТВ ЕРТ.

ФОТО: YouTube/Print Screen