„Брилијант“ започна со работа како посебна фирма
Од вчера официјално како новорегистрирана компанија и посебно друштво започна да работи најпознатата фабриката за производство на масло за јадење „Брилијант“ во Штип.
Досега фабриката функционираше како подружница во рамки на акционерското друштво „Витаминка“, чие раководство на крајот на минатиот месец донесе одлука на седница на собрание да го издвои како посебен субјект.
Прилепската прехранбена индустрија пред седум години го купи „Брилијант“ за 7,3 милиони евра од „Комерцијална банка“.
Вредноста на „Брилијант“ е 6,8 милиони евра во непаричен влог, а директор останува досегашниот раководител Павле Кафтанов.
А.К.
