БОРЕЛ ЗА СРБИЈА И НЕЈЗИНИТЕ ВРСКИ СО РУСИЈА: Мора да изберете едно или друго
Не можете да одржувате врски со Русија и да очекувате членство во ЕУ, вели високиот европски претставник Бозеп Борел за Србија.
Шефот на европската дипломатија истакна дека напредокот кон ЕУ и дијалогот се меѓусебно зависни и бараат одредени напори, но дека овие напори на крајот ќе се исплатат, особено за граѓаните.
Борел зборуваше и за неопходноста од усогласување на земјите кандидати за членство со надворешната и безбедносната политика на ЕУ, посочувајќи дека тоа е показател дека кандидатите ги споделуваат европските вредности и геополитички цели.
„Едноставно не можете да одржувате односи со Русија и да се преправате како ништо да не се променило и да очекувате вашата земја да биде дел од ЕУ во таква ситуација. Мора да изберете едно или друго“, истакна Борел.
Инаку, Србија постојано повторува дека нема да воведе санкции за Русија поради инвазијата на Украина. Српскиот политичар Александар Вулин одеше во посета на Русија. Србија често добиваше критики дека седи на две столчиња. Дури, повеќе српски граѓани загинаа во Украина борејќи се на страната на Русија.
