БОРБЕНОТО ВОЗИЛО „МИЛОШ“ ГО ПРЕПОЛОВИ ЦИТРОЕНОТ КАЈ ПАНЧЕВО: Загина жената возач, ова се први слики од страшната несреќа
Жена загина денеска во несреќа што се случи кај селото
Владимировац, кај Панчево. Се судриле воено борбено возило „Милош“ и автомобил,
а колку бил силен судирот покажуваат сликите од местото на настанот.
Борбеното возило завршило превртено покрај коловозот, додека
автомобилот за кој се вели дека е „цитроен пикасо“ со белградски регистрации,
исто така излетал од патот, а предниот дел му бил целосно згмечен.
Во несреќата повредени се и тројца воени лица кои се
пренесени во болницата во Панчево.
За трагедијата се огласи и Министерството за одбрана.
– Жена загина денеска во сообраќајна несреќа, што се случила
околу 15 часот на патот Вршац-Панчево, на влезот во село Владимировац, кога
борбено возило „Милош“ на Вооружените сили на Србија, враќајќи се од редовна
мисија, се судрил со цивилен автомобил, соопшти Министерството за одбрана.
Како што се наведува во соопштението, убиена е жена која
управувала цивилно моторно возило.
Надлежните органи веднаш пристигнале на местото на настанот.
Истрагата е во тек.
Министерството за одбрана и војската на Србија изразија
најдлабоко жалење за загубениот живот.
