Битиќи: Има партии што работат цените на храната повторно да се вивнат пред избори
Вицепремиерот за економски прашања Фатмир Битиќи, во интервју за емисијата „360 степени“ на МРТВ 1, рече дека има политички партии што имаат интерес во предизборниот период да има ново зголемување на цените на храната
„Затоа, ако имаме совесно однесување на сите чинители во општеството и притоа, овде морам да кажам и првпат ќе го кажам, рацете на политичките партии и на политичарите бидат настрана од бизнисот, сметам дека самите компании и бизнисмени ќе се однесуваат етички и нема да го направат тоа што одредени политички кругови би сакале да го имаме. Имам чувство дека некогаш сакаме да направиме одредени работи и против себеси само да покажеме дека другите несе моќни да ја контролираат целата состојба“, вели вицепремиерот Фатмир Битиќи.
Во прилог на ваквото тврдење, Битиќи кажа пример – од пред една година, кога една политичка партија постојано барала предвремени избори, се појавил т.н. „бел штрајк“ во кој институциите не функционирале целосно затоа што некој однатре опструирал.
Прашан – ако една политичка партија има интерес цените да се покачуваат во предизборието, тогаш дали маркетите што излегоа со соопштение дека до 15 мај, една недела по изборите, ќе ги остават цените на истото ниво како гарантираното, тоа, исто така, го прават под политичка директива, Битиќи одговори:
