Бесими: Сопствениците на недвижнини ја искористија ценовната криза и станаа побогати
Фатмир Бесими, министерот за финансии, во својата последна колумна пишува дека ценовната криза со зголемување на инфлацијата „позитивно“ влијаела кај имотните сопственици на недвижнини, што во овој период придонело уште повеќе да се зголеми јазот помеѓу сиромашните и богатите.
„Од друга страна, вредноста на капиталот во
недвижни средства се зголемува, бидејќи побарувачката за нив за време на криза
расте, како „заштита“ на вредноста на парите во услови на инфлација, одосно во
услови на раст на цените. Со тоа богатите семејства кои имаат капитал во
недвижности стануваат уште побогати. Преку оваа редистрибуција на доходот,
средствата се алоцираат од помалку имотните семејства, кои би ги
потрошиле средствата за своите животни потреби, кон семејствата кои имаат повеќе и би ги
штеделе тие средства или како што ќе каже нобеловецот
Џозеф Стиглиц „ги реалоциравме средствата од оние кои би ги потрошиле, кон оние
кои нема да ги потрошат“. Ова придонесува кон понатамошно продлабочување на
јазот помеѓу социјалните слоеви во општеството“, пишува Бесими.
Во прилог на тоа, според министерот, оди и податокот дека во 2020 година стапката на невработеност продолжила да опаѓа, но затоа
индексот на нееднаквоста (Џини коефициентот) пораснал за 0,7 процентни поени.
„Инаку, вреди да се потенцира и дека за време на кризните години, во периодот од
2020-2023 година, како резултат на силните политики на Владата за задржување на
работните места и отворање нови, невработеноста продолжи да опаѓа и го достигна
најниското ниво досега (14,4%). Споредено со ЕУ (последните дадени податоци за
2021 година) стапката на сиромаштија е блиску до нивната медијана (21,7%), со
тоа што интервалот помеѓу земјите членки кај нив е голем и се движи од 34% во
Романија до 10% во Чешка. Покачување на процентот на стапката на сиромаштија се
случува во 2020 година. Џини коефициентот на ЕУ, исто така, е околу 30%,
додека стапката на невработеност согласно последните податоци за февруари
годинава е на најниско ниво во последните 15 години од 6%.“, додава тој.
