БАНАНИТЕ ЌЕ ПОСКАПАТ: Зошто се зголемува цената на најизвезуваното овошје во светот?

Ќе јадеме поскапи банани поради неповолните временски услови. Цените на бананите и натаму ќе растат, поради климатските промени. 

Високиот економист на Светскиот форум за банани, Паскал Лиу изјави дека цените на ова овошје ќе продолжат да растат. Лиу, вели дека климатските влијанија претставуваат „огромна закана“. Бананите се чувствителни и на болестите кои можат да ги уништат посевите.

Бананите се најизвезуваното овошје во светот. Само Велика Британија увезува околу пет милијарди банани секоја година. Од нив околу 90 отсто се продаваат во големи супермаркети. Минатата недела имаше недостиг на банани во неколку супермаркети во Велика Британија, за што трговците рекоа дека се должи на морските бури. 

Еквадор и Мексико важат за едни од најголемите извозници на банани во светот. Поради климатските промени, штети трпат и производството на кафе и какао, ориз во светот и други намирници. Веќе беше најавено дека ќе поскапат чоколадите поради поскапувањето на какаото. 

foto freepik.com/AndreyStar