Јасикевичиус ѝ се одмазди на Барса: Каталонците „изгореа“ во пеколот во Истанбул!
Ова беше своевидна одмазда на тренерот на турскиот тим, Шарунас Јасикевичиус, против клубот кој релативно неочекувано реши да го отпушти минатото лето. Ова е негова прва победа во пресметките со каталонскиот гигант, а што воодушевува е играта на неговиот состав во првото полувреме, во кое во еден момент имаше водство со плус 25 поени (40-15). Гостите се вратија во игра во третиот период, кој го добија со 32-16, но екипата од Истанбул блесна во последната четвртина во која повторно дојде до двоцифрена разлика, која ја одржа до самиот крај.
Вилбекин со 18 и Калатес и Гудуриќ со по 13 поени беа најпрецизни кај домашниот тим, додека Бризуела со 18 поени беше најефикасен кај гостите. Екипата на Милано, пак, направи огромно изненадување и како гостин го совлада фаворизираниот тим на Монако (98-80). Фенер сега има скор 19-11 и дојде до мал чекор до Барселона, која има учинок 20-10. На идентичен учинок како и Турците „падна“ и тимот од Монте Карло.
