Јапонија и Холандија ќе им се придружат на САД во ограничувањето на извозот на чипови во Кина
Јапонија и Холандија наскоро ќе им се придружат на САД во ограничувањето на извозот на опрема за производство на полупроводници во Кина.
Разговорите меѓу земјите ќе завршат најрано во петок, а Холандија ќе ја ограничи продажбата на ASML на Кина на машини што се користат за производство на одредени видови напредни чипови.
Холандската компанија ги произведува машините во Европа, со малку американски делови, но американската министерка за трговија Џина Раимондо на 3 ноември рече дека очекува сојузничките земји, вклучително и Холандија, да ја следат американската политика.
Јапонија ќе воведе слично ограничување за Nikon.
Извори велат дека договорот меѓу холандските и американските официјални лица би можел да биде постигнат до крајот на месецот. Претставниците на двете земји ќе разговараат во петок во Вашингтон.
Тоа сценарио би претставувало голема дипломатска победа за администрацијата на американскиот претседател Џо Бајден, која во октомври најави опсежни санкции за пристапот на Кина до американската технологија за производство на чипови за да го ограничи кинескиот технолошки и воен напредок.
Без јапонска или холандска соработка, американските компании би биле во неповолна положба.
– Разговаравме со САД и другите земји за режимот на контрола на извозот“, изјави за новинарите во петокот Јасутоши Нишимура, јапонскиот министер за економија, трговија и индустрија. Сите мерки ќе ги спроведеме согласно нашиот Закон за девизно работење и преку меѓународна соработка – додаде тој.
