Апелација му го врати пасошот на Асмир Јахоски за да присуствува на матурата на синот во Истанбул
Скопскиот Апелационен суд одлучи да му го врати пасошот на Асмир Јахоски, осомничен во случајот за набавка на мазут за ТЕЦ Неготино, за да може да присуствува на матурата на својот син во Истанбул. Обвинителството за гонење организиран криминал и корупција ја поддржа оваа одлука, земајќи како гаранција имот вреден речиси милион евра и средства над 1,1 милион евра.
И покрај ова, за Јахоски остануваат важечки мерки на претпазливост, вклучувајќи обврска редовно да се јавува во Кривичен суд секој прв понеделник во месецот. Минатиот месец тој беше пуштен од притвор.
Од Обвинителството истакнуваат дека не се согласиле со првиот предлог на одбраната за укинување на забраната за издавање на патна исправа, па затоа одлуката за враќање на пасошот е делумна и со одредени услови.
