Антиќ со „потписот“ за Вучиќ ги прекрши Статусот на КФМ и – Законот за спорт!? (ФОТО)
Ова и не би било некоја посебна вест, ако не станува збор за претседател на Кошаркарската федерација на Македонија (КФМ), кој со политичкото ангажирање без разлика што тоа не е во матичната држава ги прекршува не само моралните и етичките норми, туку и највисокиот акт на органиацијата што ја предводи како и највисокиот спортски акт во нашата држава. Уште во првиот член на Статутот на КФМ децидно стои дека:
„Федерацијата е деполитизирана и забранува делување на политички партии во своите редови, за постигнување на политички цели и интереси“.
Колку и да општо формулиран овој член, сепак, јасно кажува дека на политиката ѝ нема место во Куќата на кошарката, а со тоа и директно и јавно политичко дејствување на нејзините членови, а Антиќ е „лицето и огледалото“ на макбаскетот на домашна и меѓународна сцена. Член кој забранува мешање на политиката во спортот, односно во сите субјекти кои се регистрирани за вршење спортска дејност, како што дефинитивно е КФМ има и во македонскиот Закон за спорт (ЗС).
„Во здруженијата и другите правни лица кои вршат дејност спорт се забранува политичко и верско организира и ДЕЈСТВУВАЊЕ.“, се вели во членот 4 од ЗС.
Антиќ и покрај тоа што во неговиот прв мандат репрезентативната кошарка продолжи да товори на европското дно, младинските селекции најчесто да ни се второлигаши, а прволигашката конкуренција од година во година се полоша, во лига без спонзори и најчесто основни услови за игра, пред неколку месеци повторно беше избран за предводник на макбаскетот. Неговото пријателство со македонските, но и со политичарите од регионот и соседството никогаш досега не било спорно ниту проблематично, но ова е првпат тој јавно и официјално да се вклучи во политички процес и тоа во пресрет на избори, макар тоа било во соседна земја.
