Ангелка Пеева Лауренчиќ во „Бизнис Муабети“: ПР-от врти повеќе пари отколку класичниот маркетинг
Ангелка Пеева Лауренчиќ, предводничката на најпознатата маркетинг агенција во Македонија – Имиџ ПР, претходно долгогодишна политичарка, како и експерт за односи со јавноста и комуникациски менаџмент во нашиот поткаст „Бизнис Муабети“ со колегата Мишко Иванов дискутирааше за тоа дека промоцијата е бизнис кој носи пари.
– Пари има во секој бизнис, инаку не би бил бизнис. ПР-от е доходовна гранка – и во светски рамки, и кај нас, вели поранешната пратеничка.
Таа вели дека стратешкото комуницирање кое го гради имиџот на клиентот носи повеќе пари отколку класичниот маркетинг.
– Добриот ПР не е видлив, Добриот ПР само можеме да го претпоставиме. Тој можеби не се гледа на социјалните мрежи. Можеби не се гледа преку рекламирање. А постои, затоа што ги оддржува добри односите и не дозволува компанијата 9клиент) да влезе во некаква комуникациска криза. ЗЏа разлика од него, маркетингот е тој што е видлив, тој што продава. Повеќе пари има во стратешкото комуницирање кое е дел од односите со јавност, отворено вели Пеева Лауренчиќ.
Според нејзините проценки, во ПР-комуницирањето годишно се вртат 15 милиони евра.